|
– „Хотинларингизга маҳрларини ҳадя каби (яъни чин кўнгилдан, мамнунлик билан) берингиз! Агар ўзлари сизлар учун у маҳрдан бирон нарсани ихтиёрий равишда кечсалар, сизлар уни пок ва муборак билиб еяверинглар“. [4:4]
Бу ерда аёлнинг ўз маҳридан кечишга ҳаққи борлиги айтиляпти.
Аллоҳ Таоло айтади:
وَإِنْ أَرَدتُّمُ اسْتِبْدَالَ زَوْجٍ مَّكَانَ زَوْجٍ وَآتَيْتُمْ إِحْدَاهُنَّ قِنطَاراً فَلاَ تَأْخُذُواْ مِنْهُ شَيْئاً
– „Агар бир хотинни қўйиб, бошқа хотинга уйланмоқчи бўлсангизлар, аввалгисига саноқсиз молу дунёни (маҳр қилиб) берган бўлсангиз-да, ундан бирон нарсани қайтариб олмангизлар!“. [4:20]
Бу ерда маҳр бериш иши эрга мансублиги, аёлини талоқ қилмоқчи бўлса, уни қайтариб олмаслиги баён қилиняпти.
Яъни, маҳр борасидаги тасарруф эр ва хотинга мансубдир. Шунга кўра, маҳрдан кечиш ҳам шу иккисига тегишли ишдир.
в) (وَأَن تَعْفُواْ أَقْرَبُ لِلتَّقْوَى кечиб юборишингиз тақвога яқинроқ ишдир). Яъни, ҳақсизнинг эмас, ҳақдорнинг кечиши. Агар кечиш аёлнинг валийси томонидан бўлса, бу иш тақвога яқинлаштирадиган иш бўлмайди. Негаки, у ўзининг эмас, бировнинг ҳақидан кечяпти. Шундай қилиб, агар валий кечсаю аёл бу кечишни рад этса, унинг кечишида ҳеч қандай маъно қолмайди. Негаки, маҳр валийнинг эмас, аёлнинг мулкидир. Бинобарин валийнинг кечиши тақвога яқин иш бўлмайди.
Абу Ҳанифа ўзининг мазҳабида мана шу фикрни, яъни, никоҳ битими қўлида бўлган зот эрдир, деган фикрни танлаган. Шофиий ҳам «Жадид»да шу фикрни олган.
(وَلاَ تَنسَوُاْ الْفَضْلَ بَيْنَكُمْ Ўзаро бир-бирларингизга фазлу карам қилишни унутмангиз!). Яъни, бир-бирингизга марҳаматли бўлишни тарк қилманглар.
@ @ @
حَافِظُواْ عَلَى الصَّلَوَاتِ والصَّلاَةِ الْوُسْطَى وَقُومُواْ لِلّهِ قَانِتِينَ * فَإنْ خِفْتُمْ فَرِجَالاً أَوْ رُكْبَاناً فَإِذَا أَمِنتُمْ فَاذْكُرُواْ اللّهَ كَمَا عَلَّمَكُم مَّا لَمْ تَكُونُواْ تَعْلَمُونَ
– „Барча намозларни ва хусусан ўрта намозни (аср намозини) сақланглар — ўз вақтларида адо қилинглар! Ва Аллоҳ учун бўйсунган ҳолда туринглар! 239. Энди агар (душман ҳужумидан) хавфда қолсангиз, пиёда ёки отлиқ ҳолингизда (ибодат қилаверингиз!) Қачон хотиржам бўлганингизда, билмаган вақтингизда Аллоҳ қандай ўргатган бўлса, шундай ҳолда (яъни
71-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232